［小小技術文：美股八成業績好過預期］你睇 Facebook 蘋果出完業績升得幾勁？明顯係分析員估得太悲觀。
話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀
拿，寫返財經啦，唔好又話變DSE 同 書店台 （但明明嗰啲收視好啲）
TLDR：美股八成業績好過預期，邊個話之前嘅升勢「脫離現實」？根本個市場叻過你。同場加映「點解業績一般都七成好過預期」。
1. 話說，世上一般嚟講冇好同差嘅業績，只有好過同差過預期。原理不多講，諗下股價係乜，人人都知差嘅嘢點會再跌—除非比預期更差。用腦下就知，亦都有實證，好多萌塞嘅人係都唔信，冇計。如果明呢樣嘢嘅，亦都應該明係咁投訴「股市同實體經濟脫節」嘅，九成九只係啲冇投資嘅人。
2. 好啦，而家係美股業績期，應該都去到一半甚至大半。咁大家應該見到，出完業績對股價波動好大（＊）。早兩日寫嘅科企四大王業績（https://fbook.cc/3DJW）都見到，蘋果，世界上最大嘅公司，出完業績可以升10%，Facebook又8%，留意嗰日大市並唔係特別好，乜都喪升嗰種。
3. 留意蘋果Facebook唔止係因為「業績好」，而係因為「好過預期」。亦唔止大科技股係咁。Pinterest出完業績，升三成。之前UPS出完業績，升14%。
4. 好重要嘅原因係，今次業績，啲分析員估嘅數，係非常分歧嘅（dispersion，中學有教，你可以用range 或 standard deviation 去度）。固然因為環境不明朗（但留意，不明朗不一定係「差」，如果人人都知好差，就會個個都估好低，dispersion細）。但更重要嘅係，管理層冇畀guidance
5. 美股一般嚟講，管理層都會畀guidance，有實數，公開的。當然分析員私下亦會問，或者旁敲側擊，種種方法。香港同大陸呢？多數公司都唔會open guidance，頂多你由啲字眼，或者管理層嘅表情估。分析員私會問，但當然公司不能選擇性披露，但就各師各法明示暗示了（＊＊）
6. 不過正係由於今次真係好不明朗，公司在明在暗都冇乜指瘾。就變咗分析員在大海亂咁游，估啲數就爭好遠了。但其實咁先好玩，咁先代表股價會波動（又，其實應該做個option strategy，見到邊啲公司街估數分歧大，我唔買佢升定跌，只買波動，即係long vol，無論佢彈升定大插都收錢，唔郁就輸錢．呢啲嘢有機會在收費專欄講下）
7. 咁結果，開大家開細？你見文首我講啲例子，都知結果出嚟嘅業績係勝預期多。
8. 好，口講無憑嘛。量化。睇圖。其實你諗到嘅所有人都有人分析。留意，標普500指數，有85%嘅公司，出嚟嘅業績，都係好過預期嘅！勁未？
9. 不過如果你再聰明啲嘅，大約你會估到，「其實公司業績超過一半時間都好過預期」。原因？又係你懂的。分析員唔會估到咁盡，畀公司有啲空間去beat．同樣地，管理層亦都會睇住呢啲數，酌量去tune下報出嚟條數（唔係做假數，但tune 少少總可以，「間舖6月30號賣定7月1號買都好唔同」）
10. 其實以往，係7成幾情況，業績都會好過預期。但而家有成85%，證明真係勁
11. 除咗講公司數目，仲要睇beat 幾多。圖中冇寫，但我話你知，平均盈利係畀預期高13% - 以住係3.3%。夠勁未？
12. 點解會咁？咁好簡單，就係分析員過度悲觀。
13. 分析冇講，但我話你知，點解分析員會咁悲觀？好簡單，之前股價跌咗落嚟。之前有實驗做過，其實一般分析員估嘅數都係滯後，股價郁得最快，跌到九彩後分析員咪調低。未必係「因為股價跌」而調，但重覆一次，錢最貪心又最細膽，啲人一驚就先沽為敬，唔使等你分析員調低先做。
14. 順手講埋，睇圖，見唔見對上一次有一大抽公司都勝預期，係幾時？正係金融海嘯後衰退 — 記住，人係短視嘅。差嗰時諗到好差，好嗰時又以為永遠都好。當然另一原因亦係同今次一樣—股價大跌時，分析員咪自然調低預測。
15. 好啦，見到第二季，大家可以鬆口氣，分析員估嘅數冇過度樂觀。相反係太悲觀。但留意，隨住個疫情一路都壓唔住，原本預嘅經濟反彈，一定比預期遲同弱。所以又可能要調一調低第三四季嘅數字了。
16. 而事實你見到，固然咩蘋果Facebook升到七彩，但成個市，在呢個業績期，不見到升得好勁。股票炒將來嘛。
（＊）好奇怪，美股即使係好大間公司，例如Facebook 蘋果之類，出完業績都成日一日升跌十個八個巴仙。你見香港好少的。當然啲人又會講「大陸」乜乜物物，呢啲就係偏見兼懶，只會令你更笨。就算「香港」公司一樣係咁。有冇見長實港交所出完業績會升跌咁多？好奇怪的。原因不明，可能美股業績保密真係做得好。
（＊＊）理論上可能有問題，實際上可以踩界嘅。例如管理層睇到你估條數，咁到底係皺眉頭，或者問下「話時話，有冇聽過你公司傳炒人？」，定係「哈哈，唔答得你架」「下個月我個女生日有個party，有冇時間嚟？」。大把玩法。你估真係縮埋在自己房砌Excel咩
————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80
簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁！今段落多幾個Number賺死你！40分鐘，都係賣返$80
影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145
standard deviation excel 在 Standard error, Standard deviation, Chart design - Pinterest 的美食出口停車場
Feb 1, 2018 - In this video I use Excel for Mac 2011 Version 14.2.3 I show you how to calculate mean, standard deviation and standard error in Microsoft ... ... <看更多>